adem etkeschiliri 80 din atuq köchmenni paraxottin déngizgha atti
jibutidiki adem etkeschiliri teripidin déngizgha tashlanghan 80 köchmendin kem dégende 20 si hayatidin ayrildi.
türkiye awazi radiyosi xewiri: xelqara köchmenler teshkilati sherqiy afriqa we afriqa mönggüzi rayonluq diréktori muhemmed abdiker tiwittérda élan qilghan bayanatida, yemenge baridighan bir etkeschilik paraxotidin déngizgha tashliwitilgen 80 köchmendin kem dégende 20 kishining jibutining obok déngiz qirghiqida qaza qilghanliqini bildürdi.
muhemmed abdiker nechche minglighan afriqiliq yashning yemen arqiliq pars qoltuqi döletlirige bérishqa tirishiwatqanliqini eskertip, buning yéqinqi 6 ay ichide yüz bergen üchinchi qétimliq pajie ikenlikini we hazirghiche 70 tin artuq ademning qaza qilghanliqini éytti.
amanliq xadimliridin qorqqan adem etkeschiliri bezide qéchish üchün köchmenlerni pat-pat déngizgha tashliwitishtek pajielerni sadir qilip kelmekte.
