tramp repiqisi bilen aqsaraydin ayrilishtin burun waksina emletküzgen
amérika qoshma ishtatliri sabiq pirézidénti donald tramp we repiqisi mélania trampning aqsaraydin ayrilishtin burun waksina emletküzgenliki ilgiri sürüldi.
1593310
türkiye awazi radiyosi xewiri: merkizi amérika qoshma ishtatlirida turushluq «‹ Axios› xewerler tori» ning trampning meslihetchilirini menbe körsitip xewer qilishiche, donald tramp bilen repiqisi mélania tramp, aqsaraydin ayrilishtin burun, «kowid – 19» yuqumigha qarshi waksina emletküzgen.
donald tramp bilen repiqisi mélania tramp teripidin bolsa, bu heqte téxiche héchqandaq bayanat élan qilinmidi.
2020-yili, öktebirde «kowid – 19» wirusi bilen yuqumlanghandin kéyin saqayghan tramp, özining immunitétlanghanliqini we waksina emletküzmeydighanliqini éytqanidi.
2020-yili, 3 – noyabir küni ötküzülgen saylamda utturup qoyghan trampning wezipe ötesh mudditi 20 – yanwar küni toshqachqa, uning ornigha jo baydin wezipige olturghanidi.
