amérikada qoral dukinida yüz bergen weqede 3 kishi qaza qilip. 2 kishi yarilandi
amérikaning luisana ishtatida qoralliq bir kishi qoral dukinida qalaymiqan oq chiqirip. 3 kishining jénigha zamin boldi.
1587548
türkiye awazi radiyosi xewiri: amérika «NBC» qanilining saqchilarni menbe qilghan xewiride, yéngi orléans shehride qolida qoral kötürgen bir kishining qoral dukinigha kirip, etraptikilerge qalaymiqan oq chiqirishi sewebidin 3 kishining neq meydanda qaza qilghanliqi bildürüldi.
xewerde, hujumda yene 2 kishining yarilanghanliqi we doxturxanida balnistqa élinghanliqi eskertildi.
rayonluq saqchidin igilengen uchurlargha asaslanghanda, qoral dukinigha kirgen hujumchi dukan xojayini bilen talash-tartish qilghan we bu jeryanda qolidiki qoral bilen qalaymiqan oq chiqarghan. deslepte 1 kishi qaza qilghandin kéyin, éghir yarilanghan 2 kishimu qisqa waqit ichide neq meydanda qaza qilghan.
saqchilar weqege qarita tekshürüsh bashlighan.
