amérikadiki qattiq soghuq texminen 60 kishining jénigha zamin boldi
amérikada téksas qatarliq nurghun rayonlargha éghir tesir körsetken qar we muz sewebidin texminen 60 kishi qaza qildi.
türkiye awazi radiyosi xewiri: amérika pirézidénti jo baydén texminen bir heptidin béri döletning shimaliy, ottura we jenub qismigha tesir qilghan shimaliy qutup soghuqliri sewebidin téksas ishtatida «chong apet» élan qildi.
«CNN» qanilining aqsaray bayanatini menbe qilghan xewerlirige asaslanghanda, baydén qish peslidiki qattiq soghuqning tesirige uchrighan rayonlardiki qutquzush xizmetlirini qollash üchün <chong apet> élan qilip, döletlik we yerlik qutquzush xizmetlirige fédératip yardem bérish buyruqi chüshürgen.
yene bir tereptin, téksas ishtatida tok bilen teminlesh qayta bashlanghan bolup, texminen 80 ming kishi éléktériktin mehrum halda turmaqta. rayondiki 14 milyon kishi téxiche pakiz su qiyinchiliqigha duch kelmekte.
téksastiki yerlik menbelerning bildürishiche, ötken bir heptidin béri éghir tesir körsitishke bashlighan soghuq qish peslining nachar hawarayi rayongha 45 - 50 milyard dollar etrapida maddiy ziyan yetküzgen.
