engliyede sémizlik keltürüp chiqarghan ölüm nisbitining éship ketkenliki éniqlandi

türkiye awazi radiyosi xewiri: gilasgow uniwérsitéti tetqiqatchiliri 2003 - yilidin 2017 - yilighiche 192 ming 239 engliyelik we shotlandiyelik quramigha yetkenlerning saghlamliq ehwaligha dair sanliq melumatlirini tekshürüp chiqti.

tekshürüsh netijisi, tamaka chékish sewebidin qaza qilghanlar nisbitining %23.1 tin %19.4 ke töwenligenlikini, sémizlik we bedendiki yaghning éship kétishi sewebidin qaza qilghanlar nisbitining %17.9 tin %23.1 ke örligenlikini otturigha qoydi.

tetqiqat netijisi doklatchisi jim pél bu heqte toxtilip: «tamaka chékish saqlinishqa bolidighan ölüm seweblirining aldinqi qataridin orun alidighan bolghachqa, uzun yillardin buyan ammiwi saghlamliqqa kapaletlik qilish kürishining asasliq nishani bolup keldi. engliyede tamaka chékish nisbiti töwenlidi, emma sémizlik köpiyip ketti» dédi.

sémizlik rak we yürek qan tomur késelliklirini keltürüp chiqiridighan bolghachqa, buninggha munasiwetlik adem ölüsh nisbitiningmu köpiyiwatqanliqini bildürgen pél, sémizlikke qarshi turush istratégiyesini tereqqiy qildurushning ammiwi saghlamliqning muhim nuqtisi bolushi kéreklikini tekitlidi.