putin: öktichi alékséy nawalniyni gherp rusiyege qarshi ishlitiwatidu
rusiye pirézidénti wiladimir putin bezi küchlerning rusiyede öktichi alékséy nawalniyni qolliniwatqanliqini, bolupmu rusiyede passip iqtisadiy sharait peyda bolghan bir weziyette, uni mexsus ishlitiwatqanliqini ilgiri sürdi.
türkiye awazi radiyosi xewiri: putin rusiye dölet qanili «Rossiya 24» ning rusiye axbarat organliri bash muherriri bilen ötküzülgen uchrishishlirigha alaqidar élan qilinghan programmidiki sözide, rusiyediki namayishlar üstide toxtaldi.
putin nawalniygha qarita ismini tilgha almastin «rolchi» dep baha berdi we bezi küchlerning ijtimaiy-iqtisadiy weziyet yaxshi bolmighan bügünki künde nawalniyni qolliniwatqanliqini tilgha élip, «dunyaning her qaysi jayliridikige oxshash rusiyede kirim sewiyesinimu öz ichige alghan halda kishilerde harghinliq, naraziliq we achchiqlinish bérikken hazirqi sharaitta, ular bu rolchini ishlitiwatidu» dédi.
putin bu selbiy sharaitni yawropa, amérika we bashqa döletlerdiki qarshi küchlerning suyiistémal qiliwatqanliqini tekitlidi.
putin rusiye tetqiq qilip yasap chiqqan kowid-19 waksinisi we yéngi qorallarning gherbni ghezeplendürgenlikini chüshendürüp, gherbning rosiyege qarshi qorshaw siyasiti yürgüzüwatqanliqini bildürdi.
putin sunglashqa yoshurun düshmenlerning öz menpeetliri üchün rusiyediki hakimiyetke kélish hewisi barlarni rusiyege qarshi ishlitiwatqanliqini éytti.
