iran amérikadin yadro mesiliside qedem bésishni telep qildi
iran pirézidénti hesen ruhani jo baydin hökümitidin «yaxshi niyet we perqliq pozitsiye körmigenliklirini» éytti.
türkiye awazi radiyosi xewiri: iranning oxshimighan rayonlirida sehiye saheside emelge ashurulghan bezi layihelerning échilishigha sin arqiliq qatnashqan hesen ruhani, amérika hökümitini tenqid qildi we yadro kélishimi mesiliside qedem bésishni telep qildi.
u amérika sabiq pirézidénti donald trampni «chong térrorist we wijdansiz» dep atidi we baydinni ilgiriki hökümet mangghan yoldin qaytishqa chaqirdi.
u: «irangha qarshi éghir émbargo yürgüzüsh siyasiti meghlub boldi. dunyada héchkim buningdin gumanlanmaydu. amérikaning yéngi hökümitidin hazirche yaxshi niyet we perqliq pozitsiye körmiduq. gep-sözliri özgerdi, emma emeliyette özgergenlikini körüshimiz kérek. ötküzülgen jinayetning ornini qandaq tolduridighanliqi éniq emes» dédi.
u tramp qayta yolgha qoyghan émbargolar sewebidin iran xelqining qiyinchiliqlirining dawamlishiwatqanliqini eskertip: «amérikadiki yéngi hökümet rast gep qiliwatqan bolsa, undaqta waqitni isirap qilmastin yolini özgertishi we imkaniyetning bariche burunqining ornini toldurushi kérek» dédi.