bir qisim sherq döletliridiki yuqum ehwaligha alaqidar sanliq melumatlar؛
dunya miqyasida kowid-19 sewebidin qaza qilghanlarning sani 2 milyon 263 mingdin ashti. yuqumlanghanlarning sani 104 milyon 404 mingdin éship, eslige kelgenlerning sani 76 milyon 283 minggha yetti.
türkiye awazi radiyosi xewiri: hindistanda yéqinqi 24 saet ichide yuqum sewebidin 113 kishi qaza qildi, 11 ming kishi yuqumlandi. hindistanda qaza qilghanlarning omumiy sani 154 ming 635 ke, yuqumlanghanlarning sani 10 milyon 778 ming 206 ge yetti.
wuxen wirusining menbesini tekshürüsh üchün xitayning wuxen shehirige yétip barghan dunya sehiye teshkilati wekiller ömiki wirus tetqiqati instituti tejribixanisini ziyaret qildi.
yaponiyede 5 ming 794 shi yuqumda qaza qildi we yuqumlanghanlarning sani 391 ming 626 ge yetti. bash ministir suga yoshihidé kowid -19 gha qarshi waksina emlesh xizmetlirining mushu ayning otturilirida bashlinidighanliqini éytti. suga yoshihidé 126 milyonluq nopusning hemmige yetküdek derijide waksina sétiwélish nishanining dawam qiliwatqanliqini bildürdi.
pelestinde wuxen wirusi sewebidin 1849 adem kishi qaza qildi we texminen 160 ming kishi yuqumlandi. pelestin sehiye ministirliqi waksina emlesh xizmetlirining birinchi basquchta kowid -19 jiddiy késellik bölümliride ishlewatqan doxturxana xadimliridin bashlanghanliqini bildürdi. ikkinchi basquchta 60 yashtin yuqiri yashanghanlar we sozulma xaraktérlik bémarlargha waksina emlinidighanliqini uqturdi.
shimaliy qibris türk jumhuriyitide yuqum bashlanghandin buyan 14 kishi jénidin ayrildi. yéqinqi 24 saet ichide yuqumlanghuchilar sani 2 ming 433 ke yetti. shimaliy qibris türk jumhuriyitide toluq cheklimilerni yolgha qoyush muzakire qilinmaqta.
seudi erebistanda yuqum bashlanghandin buyan 6 ming 383 kishi qaza qildi. 368 ming 639 kishi yuqumlandi. seudi erebistanda bügündin bashlap 20 dölettin kirip- chiqish waqtinche toxtitildi.
iraqta wirus sewebidin qaza qilghanlarning sani 13 ming 68 ge, yuqumlanghuchilarning sani 621 ming 755 ke yetti. hökümet yuqumlinish nisbitining éshishishgha qarita kochigha chiqishni chekleshni yolgha qoyush mumkinliki heqqide agahlandurush élan qilip, «maska taqash we ijtimaiy ariliq saqlash» chaqiriqida boldi.
ummanda kowid -19 sewebidin hayatidin ayrilghanlarning sani 1532 ge, kuweytte 960 qa, ereb birleshme xelipilikide 866 ge, behreynde 376 ge we qatarda 249 gha yetti.
