gébréyésus: dunya miqyasida kowid-19 bilen yuqumlinish nisbiti uda 3 hepte boyiche töwenlidi
dunya sehiye teshkilati (WHO) ning bash diréktori tédros adhanom gébréyésus dunya miqyasida kowid-19 bilen yuqumlinish nisbitining uda 3 hepte boyiche töwenligenlikini bildürdi.
türkiye awazi radiyosi xewiri: gébréyésus dunya sehiye teshkilatining jenwediki merkizide sinliq konférans arqiliq muxbirlarni kütüwilish yighini chaqirip: «hazirmu yuqumlinish nisbiti örlewatqan nurghun döletler bar. shundaqtimu dunya miqyasidiki bu töwenlesh kishini jasaretlendürmekte» dédi.
gébréyésus yuqumlinish nisbitidiki töwenleshning kowid-19 ning téz tarqilishchan türinimu kontrolluq astigha alghili bolidighanliqini körsetkenlikini tekitlep: «eger hazirqi ispatlanghan ammiwi saghlamliq tedbirlirini dawamlashturidighan bolsaq, bu yuqumlinishning aldini alalaydighanliqimizni we hayat qutquzalaydighanliqimizni körsitip béridu» dédi.
gébréyésus her qaysi hökümetlerning ötken yili karantin qilish tedbirini baldur axirlashturup, wirusning téximu kücheygen halda qaytip kélishiini keltürüp chiqarghanliqini eskertti.
gébréyésus kowid -19 waksinasini emlesh xizmetliri bashlanghan döletlerde, hökümetlerning mewjut tedbirlerni axirlashturushi üchün téxi baldurluq qilidighanliqi heqqide alahide agahlandurushta boldi.
