amérikada tunji musulman ayal bash teptish boldi
amérika qoshma ishtatlirida tunji qétim tégi köchmen musulman bir ayal muweqqet fédératsiye bash teptish wekili süpitide wezipige teyinlendi.
türkiye awazi radiyosi xewiri: pakistanda tughulghan saime muhsin, michigan ishtatining sherqiy rayonining muawin bash teptishi bolup saylandi, shuning bilen, u «dölettiki bu wezipige teyinlengen tunji musulman ayal» süpitide tarix sehipisidin orun aldi.
bu wezipige teyinlengenlikidin özini tolimu shereplik hés qilidighanliqini eskertken muhsin, «qanunni sadaqet bilen ijra qilish we hemme üchün adalet izdeshtiki asasliq burchimizni ada qilishqa chin wede bérimen» dédi.
1 – féwraldin étibaren wezipe öteshke bashlaydighan 52 yashliq muhsinning, 2002-yildin buyan niyu jérsiy we niyu york ishtatlirida muawin bash teptishlik wezipilirinimu öz ichige alghan edliye saheside xizmet qilghanliqi, 2018-yili marttin buyan michigan ishtatliq fédératsye bash teptish mehkimiside bash tepish yardemchisi süpitide xizmet qiliwatqanliqi bildürüldi.
