yuqumlinip saqayghanlarning üchtin birining bashqa késelliklerge duchar boluwatqanliqi ilgiri sürüldi

türkiye awazi radiyosi xewiri: wuxen wirusi (kowid – 19) gha duchar bolup saqayghanlarning üchtin birining doxturxanidin chiqqandin kéyinki deslepki besh ay ichide nepes yoli we yürek qan tomur késellikliri sewebidin qaytidin doxturxanigha kirgenliki otturigha chiqti.

engliye döletlik istatistika institutining University College London  we léychéstér uniwérsitéti bilen hemkarliship élip barghan tekshürüshliri dairiside yuqumdin qutulghan 47 ming 780 ademning yéqindin közitilgenliki, tekshürüsh netijiside, bularning texminen %30 i (14 ming 140 kishi) ning saqiyip balnisttin chiqqandin kéyinki 140 kün ichide yürek qan tomur mesilisi, nepes siqilish we yuqiri diyabét késelliki shikayetliri sewebidin qaytidin doxturxanida yatqanliqi, bularning ichidiki %12.3 bimarning qaza qilghanliqining otturigha chiqqanliqi bildürüldi.

mezkur tekshürüsh netijisi téxi birer ilmiy zhurnalda élan qilinmighan bolsimu, emma tekshürülgen bimarlarning otturiche yéshining 65 ikenliki, ulargha 2020- yilining aldinqi 8 éyida kowid - 19 dep diyagnoz qoyulup balnistqa élinghanliqi we salametliki eslige kelgendin kéyin doxturxanidin chiqqanliqi eskertildi.