firansiye hökümitining yaghliq artishni cheklesh urunishi dölet mejliside ret qilindi
firansiyede 18 yashtin töwen qizlarning ammiwi sorunlarda yaghliq artishini cheklesh üchün hakimiyet béshidiki partiyening pütün urunushliri dölet mejlisi teripidin ret qilindi.
türkiye awazi radiyosi xewiri: firansiyede 18 yashtin töwen qizlarning ammiwi sorunlarda yaghliq artishini cheklesh üchün pirézidént émmanuél makronning «jumhuriyetchiler yürüshi partiyesi» parlamént ezasi aroré bérgé we zhan baptisté morawning urunushi dölet mejlisi teripidin qobul qilinmidi.
komitit bu urunushqa qarita «chektin éship kétish» dep baha berdi.
firansiyede hakimiyet béshidiki partiyening ikki parlamént ezasi bérgé we moraw 16-yanwarda hökümettikilerning köpinchisining qarshi turushigha qarimastin, deslepte «islam bölgünchi» dep atalghan, kéyinche ismi «jumhuriyetchilerning qimmet qarishigha hörmet qilishni kücheytish» dep özgertilgen qanun layihesige 18 yashtin töwen qizlarning ammiwi sorunlarda yaghliq artishini shundaqla erlerdin ayallarning üstünlikini namayan qilidighan kéyimlerni kéyishni chekleydighan 2 madde qoshqanliqini élan qilghan idi.
bu qanun layihesi arqiliq jamilerning mebleghlirini téximu qattiq kontrol qilishni, musulmanlargha bésim ishlitish arqiliq musulman ammiwiy teshkilatlirining kontrolluqini kücheytishni we cheteldin diniy xadimlarning kélishining aldini élishni meqset qilghan idi.
مۇناسىۋەتلىك خەۋەرلەر
irélandiyemu pelestin dölitini étirap qildi
ispaniye we norwégiyedin kéyin, irélandiyemu pelestin dölitini resmiy étirap qildi.
ispaniye pelestin dölitini étirap qildi
ispaniye wezirler kéngishi pelestin dölitini resmiy étirap qilish qararnamesini maqullidi.