rusiye yawropa ittipaqining émbargo qararigha jawab qayturdi

türkiye awazi radiyosi xewiri: gérmaniye fédératsiye mejlisi, 2015 – yili türlük tor  hujumlirigha uchrighan, arqidinla, mejlisning uchurlashturush ul esliheliri weyran bolghanidi. bérlin hökümiti, 2015-yili gérmaniye fédératsiye mejlisige qilinghan tor hujumida rusiyening izi barliqini ilgiri sürgenidi.

rusiye tashqi ishlar ministirliqining bildürüshiche, yawropa ittipaqi rusiyege qarshi bir tereplimilik halda yéngi émbargo yürgüzüsh pilani üchün bu ehwalni bahane qilghan. 2020 – yili, 22 – öktebir küni, yawropa ittipaqi  kéngishi, ikki rus puqrasi we bir rus shirkitige émbargo yürgüzüsh toghruluq qarar chiqarghan.

yawropa ittipaqining émbargo qararigha jawab teriqiside, rusiye dölet térrotériyelirige kirishi cheklengen gérmaniye puqralirining tizimlikining dairisini kéngeytishni qararlashturghan.

bu dairide,  gérmaniye dölet mudapie ministirliqigha qarashliq dölet bixeterlik we axbarat teshkilatlirining bir qisim yuqiri derijilik mesulliri, rusiyege kirishige cheklime qoyulghanlar tizimlikige kirgüzülgen.

bayanatta tekitlinishiche, «émbargo yürgüzülidighanlar tizimliki» ge kirgüzülgen shexslerning isimliri ashkarilanmighan.