amérika awam palatasi dölet mudapiesi xamchot layihesini maqullidi

türkiye awazi radiyosi xewiri: awam palatasida awazgha qoyulghan xamchot layihesi, 3 te 2 palata ezasining qollap awaz bérishi bilen maqullandi, 322 palata ezasi layiheni qollap awaz berdi, 87 palata ezasi awaz bérish hoquqidin waz kechti.

layihening kéyinki adrési  kéngesh palatasi bolup, bu yerdimu trampning wétu qilish hoquqidin halqip ötidighan shekilde 3 te 2 palata ezalirining qollap awaz bérishi bilen maqullinishi kütülmekte.

740 milyard dollarliq dölet mudapiesi xamchot layihesi, dölet mejlisining her ikki qaniti teripidinmu bu shekilde maqullanghan teqdirde qanunlishidu we trampning wezipe ötesh mudditi jeryanidiki  «wéto qilish hoquqidin halqip ötüp ketken tunji qanun layihesi» bolup qalidu.

amérika qoshma ishtatliri pirézidénti donald tramp, mushu ayning bashlirida, dölet mejliside qobul qilinghan dölet mudapie hoquqi qanuni layihesini 23 – dékabir küni wéto qilghanidi.

tramp, layiheni wétu qilish bilen bir waqitta, gérmaniye we koriyediki amérika eskerlirining sanini azaytishning aldini élish, ammiwi taratqu shirketlirining qanuniy jehettin téximu köp mesuliyetni öz üstige élishini mezmun qilmighanliqi we konfédératsiye dewridiki qomandanlarning isimliri bikar qilinghanliqi seweblik tenqid qilinghanidi.