yer sharigha «yoshurun tehdit» peyda qilghan 3 kichik seyyarining yéqinlishiwatqanliqi élan qilindi
amérika alem qatnishi idarisi «NASA» ning yersharigha yéqin jisimlarni tetqiq qilish merkizi «CNEOS», «yoshurun tehdid» dep türge ayrighan 3 kichik seyyarining yéqinlap qalghanliqini élan qildi.
türkiye awazi radiyosi xewiri: amérika alem qatnishi idarisi «NASA» ning yersharigha yéqin jisimlarni tetqiq qilish merkizi «CNEOS» ning hésablishiche, kichik seyyariler 25 - dékabir yersharigha eng yéqin nuqtida bolidiken.
ularning ichidiki eng chongining diamétiri 200 métir etrapida bolup, yershari bilen bolghan ariliqi texminen 3 milyon kilomitir kélidiken.
«501647» (2014 SD224)» dep atalghan bu kichik seyyare eng axirqi qétim 2020 - yili 1-ayda yersharigha yéqinlashqan idi.
kichik seyyare kéler qétim 2021 - yili 12-ayda yersharigha yéqin yerdin ötidu.
amérika alem qatnishi idarisi «NASA» 0.05 astronomiyilik birlik dairisige kiridighan we diamétiri kem dégende 140 métir kélidighan barliq alem jisimlirini «yoshurun tehdid» dep türge ayrip kelmekte.
