yawropa ittipaqi tashqi ishlar ministirliri biryussélda toplandi
yawropa ittipaqi döletlirining tashqi ishlar ministirliri 10-11-dékabir (2020) künliri ötküzülidighan aliy rehberler yighinidin burun, türkiye bilen bolghan munasiwetlerni öz ichige alghan keng küntertip maddiliri bilen bir yerge jem boldi.
türkiye awazi radiyosi xewiri: yawropa ittipaqining tashqi ishlar ministirliri bélgiye paytexti biryussélda bir yerge jem boldi. giruziyening saylamlardin kéyinki weziyiti, wénézuélada ötküzülidighan parlamént saylimi, amérikadiki pirézidéntliq saylimidin kéyin, yawropa-amérika munasiwetlirining qandaq shekillinidighanliqi toghrisida özara pikir almashturush, yawropa ittipaqining kishilik hoquqqa munasiwetlik émbargo méxanizmliri, xongkongda yéngi xewpsizlik qanunining peyda qilghan netijiliri, yawropa ittipaqining istratégiyelik alahide orni we türkiye bilen bolghan özgirishler qatarliq mesililer, yighinning asasliq küntertipliri boldi.
yawropa ittipaqi döletlirining 1-öktebir ötküzgen aliy rehberler yighinida chiqirilghan qarari boyiche, yawropa ittipaqi-türkiye munasiwetliri heqqide 10-dékabir ötküzülidighan aliy rehberler yighinida tepsiliy muhakimilerning élip bérilishi kütülmekte.
bügünki tashqi ishlar ministirliri yighinida, rehberlerning muzakireside yönülüsh belgileydighan ramkini belgilesh pilan qilindi.
