dunyada yuqumlanghanlar 67 milyondin ashti
dunyada wuxen wirusi (Kovid-19) sewebidin jénidin ayrilghanlar 1 milyon 543 mingdin, yuqumlanghanlar sani 67 milyon 512 mingdin we salametliki yaxshilanghanlar sani 46 milyon 700 mingdin ashti.
türkiye awazi radiyosi xewiri: wabaning merkizige aylanghan amérikada, wuxen wirusi sewebidin jénidin ayrilghanlar 288 ming 962 ge, yuqumlanghanlar sani 15 milyon 161 minggha chiqti.
kaliforniye ishtatining san jiyugén we jenubiy kaliforniye rayonlirida wuxen wirusigha munasiwetlik weqelerning köpiyishi sewebidin «öyde oltur» yolyoruqi élan qilindi. los anzhélis we san diyago sheherliride 27 milyon kishining yolyoruqning tesirige uchrighanliqi bildürüldi.
engliyede wuxen wirusi sewebidin jénidin ayrilghanlar 61 ming 245 ke, yuqumlanghanlar sani 1 milyon 723 minggha chiqti. emleshke ruxset qilinghan, gérmaniyelik türk alim piroféssor doktor ughur shahin we ayali özlem türeji qurghuchiliri bolghan biyonték shirkiti bilen amérika dora shirkiti fayzér (Pfizer) tetqiq qilip yasighan waksinaning ete (2020-yili 8-dékabir) din bashlap emleshke bashlinidighanliqi qeyt qilindi.
italiyede yéqinqi 24 saette wuxen wirusi sewebidin 564 kishi jénidin ayrildi we jemiy san 60 ming 78 ge chiqti. oxshash waqitta, 18 ming 887 kishi yuqumlandi. buning bilen jemiy yuqumlanghanlar 728 ming 878 ge chiqti.
firansiyede wuxen wirusi sewebidin jénidin ayrilghanlar 55 ming 155 ke, yuqumlanghanlar 2 milyon 292 minggha chiqti.
ispaniyede wuxen wirusi sewebidin jénidin ayrilghanlar 46 ming 252 ge, yuqumlanghanlar 1 milyon 699 minggha chiqti.
asiya qiteside wabaning eng éghir tesirige uchrighan hindistanda, wuxen wirusi sewebidin jénidin ayrilghanlar 140 ming 699 gha chiqti. yéqinqi 24 saette 32 ming 981 kishi yuqumlandi. buning bilen, jemiy yuqumlanghanlar sani 9 milyon 680 minggha chiqti.
ghezzede wuxen wirusi sewebidin 139 kishi jénidin ayrildi, 25 ming 121 kishi yuqumlandi. rayonda wuxen wirusi tekshürüshliri élip bérilidighan birdinbir jay bolghan merkez tejribixaniliri, tekshürüsh matériyallirining axirlishishi sewebidin palech ehwalgha chüshüp qaldi.
wuxen wirusi sewebidin 3 ming 561 kishi jénidin ayrilghan tunista, wabagha qarshi turush ramkisida yolgha qoyulghan kéche sirtqa chiqishni cheklesh belgilimisi 2021-yili mart éyining axirighiche uzartildi.
wuxen wirusi sewebidin 4ming 634 kishi jénidin ayrilghan xitayda, yéqinqi 24 saette 15kishining yuqumlanghanliqi bildürüldi. bu waqit ichide wuxen wirusigha munasiwetlik héchqandaq ölüm weqesi körülmidi. jemiy yuqumlanghanlar sani 86 ming 634 ke chiqti.
hindonéziyede wuxen wirusi sewebidin jénidin ayrilghanlar 17 ming 740 qa chiqti. pirézidént joko widodo (Joko Widodo) xitay dora shirkiti sinowak biyoték (Sinovac Biotech) yasighan «korona wak» (CoronaVac) namliq 1.2 milyon shishe waksinaning yétip kelgenlikini bildürdi.
u kéler ay (2020-yili yanwar) ning béshighiche 1.8 milyon shishe waksina sétiwélishning pilan qilinghanliqini eskertti, emma qachan waksina emlesh ishlirining bashlinidighanliqi toghrisida éniq melumat bermidi.
afriqa qiteside wuxen wirusi sewebidin jénidin ayrilghanlar 306 kishi köpiyip 53 ming 961 ge chiqti. qite miqyasida yéqinqi 24 saette 13 ming 422 kishi yuqumlandi we jemiy san 2 milyon 276 minggha chiqti. jenubiy afriqada wuxen wirusi sewebidin 22 ming 206, misirda 6 ming 771 we marakeshte 6 ming 245 kishi jénidin ayrildi.
