iranliq qomandanlar süriyede hawa hujumida uchrap jénidin ayrildi
iran inqilab muhapizetchiliri armiyesi qomandanliridin muslim shehdan süriyening iraq chégrasigha jaylashqan deyruzzur wilayitide meydangha kelgen hawa hujumida jénidin ayrildi.
türkiye awazi radiyosi xewiri: shehdan we uning hemrahliqidiki qomandanlar tünügün etigende iraq arqiliq süriye terepke ötüp uzun ötmeyla deyruzzurning sherqiy qismigha jaylashqan elbukemal nahiyesi suweyiyye yézisigha yéqin yerde qaysi döletke tewe ikenliki namelum bir urush ayropilanining hujumigha uchridi؛ hujumda shehdan we hemrahliqidiki 3 qomandan qaza qildi.
hazirghiche héchqandaq terep hujumning jawabkarliqini üstige almidi.
hujumning iranning yadro pilanining eng muhim kishiliridin muhsin fahrizade öltürülüp üch kündin kéyin meydangha kélishi diqqetni tartti.
firat deryasining sherqiy qismigha jaylashqan deyruzzur zéminliri nöwette amérika qoshma ishtatlirining qollishi arqisida bölgünchi térrorluq teshkilati p k k / y p g ning ishghali astida turmaqta.
