boko haram nigériyede qanliq weqe peyda qildi
nigériyening sherqiy shimaligha jaylashqan borno ishtatida térrorluq teshkilati boko haram peyda qilghan hujumda, 110 déhqan jénidin ayrildi.
türkiye awazi radiyosi xewiri: b d t insanperwerlik yardem pirogrammisining nigériye kordinatori édward kalén (Edward Kallon) axbarat élan qilip, tünügün (2020-yili 29-noyabir) térroristlarning borno ishtatigha qarashliq garin kwashibi (Garin Kwashebe) yézisida shalliqta ishlewatqan déhqanlargha hujum qilghanliqini bildürdi.
u hujumda 110 kishining jénidin ayrilghanliqini we nurghun kishining yarilanghanliqini eskertip: «bu hujum nahayiti qorqunchliq. rehimsizlerche qilinghan hujumda jénidin ayrilghan puqralarning aililirige chin qelbimdin sewr, yarilanghanlargha shipaliq tileymen» dédi.
u yene, nurghun ayallarning görüge élinip, élip qéchilghanliqini qeyt qilip, hökümetni ularni tépish üchün heriketke ötüshke chaqirdi.
nigériye pirézidénti muhemmed buxari hujumni eyiblidi we mundaq dédi:
«bu yirginishlik hujum, pütkül döletni yarilandurdi.»
yerlik taratqularda élan qilinghan xewerlerde, hujumlarda 44 kishining jénidin ayrilghanliqi ilgiri sürülgen idi.
