xitaydin teywenge ketken kim jongunning jiyeni amérika istixbarati (CIA) ning himayisi astidimu?
shimaliy koréye pirézidénti kim jongunning 2017 – yili öltürülgen ögey akisi kim jongnamning oghli kim xen solning dadisi öltürülgendin kéyin, amérika merkizi istixbarat idarisi (CIA) teripidin qoghdiliwatqanliqi ilgiri sürülmekte.
türkiye awazi radiyosi xewiri: «New Yorker» zhurnilining xewerlirige asaslanghanda, kim jongunning jiyeni kim xen sol töt yil ilgiri dadisi malayshiya ayrodurumida nérwa gazi bilen öltürülgendin ikki hepte kéyin, shimaliy koréyedin qéchip ketken öktichiler teripidin qurulghan «FreeJoseon» namliq guruppa bilen alaqilashqan.
kim xen sol xitayning awmén alahide memuriy rayonida yashawatqan bolup, u mexpiy halda teywenge kétip, u yerdiki guruppa ezaliri bilen körüshken.
guruppining rehbiri adrian xong kim xen solning gollandiyege panahliq iltimasi sunushi üchün teywendin amistérdamgha uchidighan ayropilan bélitini sétiwalghanliqini, emma yolgha chiqishtin burun amérika istixbarat xadimliri bilen körüshkenlikini bayan qilghan.
bu uchrishishtin kéyin, kim xen soldin qayta xewer élish mumkin bolmighan.
kim jongunning eyni chaghda 22 yashtiki jiyenining shuningdin kéyin amérika merkizi isxbarat idarisi (CIA) ning himayiside turuwatqliqi texmin qilinmaqta.
kichikidin tartipla chetellerde yashighan kim xen sol «kim jemeti bilen bolghan urugh – tughqanchiliqi sewebidin shimaliy koréyede yüz bérish mumkinchiliki bolghan hakimiyet özgirishide rehber namzatlirining biri bolalaydu» dep qaralmaqta.
shimaliy koréye pirézidénti kim jongunning ögey akisi kim jongnam 2017 - yili 13 - féwral kualalumpur ayrodorumida duch kelgen hujumda qaza qilghan bolup, bu suyiqestte VX nérwa gazi ishlitilgenliki otturigha qoyulghan idi.
weqedin kéyin, ayrodorumning bixeterlik kamérasining sin arxiplirige asasen, hindonéziyelik siti ayshe we wéytnamliq doan tixong nazaretke élinghan idi.
siti ayshe özini aqlap, «kaméra chaqchiqi» bedilige 90 dollar ish heqqi alghanliqini ilgiri sürgen we yaponiyelik yaki koréyelikke oxshaydighan kishilerning uningdin bowaq méyi tipidiki madda bilen téléwiziyening chaqchaq programmisigha qétilishini telep qilghanliqini éytqan idi.
«kim jongnamgha suyiqest qilish bilen chétishliqi bar» dep qaralghan 4 neper shimaliy koréye ishtixbarat orgini xadimi bolsa, weqedin kéyin malayshiyadin ayrilghan idi.
