xitay amérikaning «ochuq asman kélishimi» din chékingenlikige naraziliq bildürdi

türkiye awazi radiyosi xewiri: xitay tashqi ishlar ministirliqi bayanatchisi jaw lichin béyjingda ötküzülgen qerellik muxbirlarni kütüwélish yighinida, amérikaning kélishimdin chékinishining kelgüside qorallarni kontrol qilishni xewpke ittiridighanliqini éytti.

bayanatchi jaw amérikaning «ochuq asman kélishimi» din chékinish herikitining xelqaraning qorallarni kontrol qilishigha we qoralsizlandurush musapisigha selebiy tesir körsitidighanliqini ilgiri sürdi.

amérika hökümiti tünügün rusiye bilen qorallarni kontrol qilishni ishqa ashuridighan «ochuq asman kélishimi» din chékingenlikini élan qilghan idi.

rusiye bilen amérika herbiy paaliyetlerde ochuq - ashkariliqni righbetlendürüsh we  kélishimlerni nazaret qilishqa qulayliq yaritish üchün qoralsiz razwédka uchushlargha ruxset qilidighan «ochuq asman kélishimi»ni imzalighan 34 döletning ichide orun alghan idi.

yawropadiki bixeterlik we hemkarliq teshkilati rayonida xatirjemlik we bixeterlikni iasurush tedbirliri süpitide békitilgen we 1992-yili alaqidar terepler otturisida imza qoyulghan «ochuq asman kélishimi»  ge türkiyemu imwa qoyghan idi.

xitay gerche kélishimge qatnishishni ret qilghan bolmisimu,  her bir döletning herbiy eslihelerni tekshürüshige yol qoyidighanliqini élan qilghan idi.