makron ezerbeyjan we erméniye rehberliri bilen körüshti
firansiye pirézidénti makron ezerbeyjan pirézidénti ilham eliyéw we erméniye bash ministiri nikol pashinyan bilen téléfonda körüshti.
türkiye awazi radiyosi xewiri: élsy sariyi pirézidént makronning ezerbeyjan pirézidénti ilham eliyéw we erméniye bash ministiri pashinyan bilen téléfonda körüshkenliki toghrisida yazma bayanat élan qildi.
bayanatta, makronning ezerbeyjan bilen erméniye otturisida imzalanghan urush toxtitish kélishimidin kéyin, firansiye aldin ehmiyet béridighan mesililerni tilgha alghanliqi qeyt qilindi.
bayanatta, toqunushlarning axirlishishi bilen, taghliq qarabaghda xelqni qoghdash we yéqinqi heptilerde yurt-makanliridin ayrilishqa mejbur bolghan onminglarche kishining qaytishi üchün muzakirelerning qaytidin bashlinishi kéreklikini eskertkenliki bildürüldi.
bayanatta yene, makronning firansiyening taghliq qarabaghqa insanperwerlik yardimi qilidighanliqini, diniy we medeniyet miraslirining qoghdilishi üchün tedbirlerni élishni telep qilghanliqi eskertildi.
