tramp wiskonsinda awaz béletlirining qayta sanilishini telep qildi

türkiye awazi radiyosi xewiri: gerche 3- noyabirda ötküzülgen pirézidéntliq saylimining gheyriy resmiy netijisige asasen démokratchilarning kandidati jo baydin ghelbe qilghan bolsimu, trampning, saylamgha hiyle arilashturulghanliqi, heqiqiy ghelibe qilghan kishining özi ikenlikini ilgiri sürüshi dawam qilmaqta.

tramp, bu qétim wiskonsinning milwoki we dané rayonlirida saylamgha éghir derijide hiyle arilashturulghanliqini ilgiri sürüp, awaz béletlirining qayta sanilishini telep qilip sotqa erz sundi we béletlerning qaytidin sanilishi üchün telep qilinghan 3 milyon dollarni tölidi.

gheyriy resmiy netijige qarighanda, baydin wiskonsinda ötküzülgen saylamda 10 wekil bilen ghelibe qilip, trampqa qarighanda 20608 artuq awaz bélitige érishken.

yene bir tereptin, amérikada ötküzülgen bir ray sinash netijisidin ayan bolushiche, saylighuchilar démokratlar partiyesining kandidati jo baydinning saylamda ghelibe qilghanliqi üchün emes, belki hazirqi pirézidént donald trampning yéngilip qalghanliqidin bekrek xushal bolghan.

elrayini sinashqa qatnashqanlarning % 34 i, saylamda trampning yéngilip qalghanliqidin xushal bolghanliqini bildürgen bolsa, peqet % 25 kishi baydénning ghelbisidin xushal ikenlikini éytqan. 41 % kishi bu heqte héchqandaq pikir bayan qilmighan.