ispaniyening süniy hemrahi yoqap ketti
dunyani közitish üchün qoyup bérilgen ispaniyening «Ingenio» namliq süniy hemrahi alem boshluqida yoqap ketti.
türkiye awazi radiyosi xewiri: süniy hemrahning qoyup bérilishige mesul fransiye shirkiti arianspas, «Ingenio» namliq süniy hemrahni orbitigha kirgüzüshke mesul wéga rakétasining qoyup bérilishidin 8 minut kéyin yönilishide bir burulushning bayqalghanliqini we alem boshluqida yoqap ketkenlikini élan qildi.
rakétaning, jenubiy amérikida turushluq firansiye gwianasidiki alem boshluqi bazisidin türkiye waqti 16:52 de qoyup bérilgenliki qeyt qilindi.
«Arianspace» mesulliri, deslepki uchurlargha asasen, «süniy hemrahning yoqap kétishige insan xataliqi sewep bolghan» dep qaraydighanliqini bildürüp, yawropa alem qatnishi idarisi bilen birlikte bir tekshürüsh komitéti qurulidighanliqini élan qildi.
yene bir tereptin, ispaniye metbuatlirida «Ingenio» namliq süniy hemrahning 200 milyon yawroluq bir layihe ikenliki xewer qilindi.
iyul éyida, ereb birleshme xelipilikige tewe bir süniy hemrahningmu wéga rakétasining matorliridin biride kashila chiqqanliqi tüpeyli yoqap ketkenliki eskertildi.
