xitay amérika-teywen iqtisadiy yighinigha qarshi chiqti
xitay amérikani teywen bilen her türlük resmiy uchrishishlarni toxtitishqa chaqirdi.
türkiye awazi radiyosi xewiri: xitay tashqi ishlar ministirliqi bayanatchisi wang winbin béyjingda ötküzülgen axbarat élan qilish yighinida, amérika bilen teywen 20-noyabir (2020) da ötküzidighan iqtisadiy diyalog yighinigha qarshi ikenliklirini bildürdi.
bayanatchi wang winbin washington hökümitining teywendiki musteqilchilerge «xata signal» bérishtin yiraq turushi we amérika-xitay munasiwetliri bilen teywen boghuzining muqimliqigha ziyan sélishni toxtitishi kéreklikini eskertti.
wang winbin: «xitaydin burundin tartip amérikaning teywen bilen resmiy munasiwet ornitishigha qarshi turup keldi. amérikani ‹bir xitay› pirinsipigha boysunushqa, teywen bilen her türlük resmiy uchrishishlirini üzüshke, amérika-teywen munasiwetlirining hazirqi mewjut halini téximu yuqiri sewiyege chiqirishtin waz kéchishke we teywen mesilisini diqqet bilen muhakime qilishqa chaqirimiz» dédi.
teywen pirézidénti sey yingwén twittérda bayanat élan qildi.
u tunji bolush alahidikige ige yighin arqiliq amérika bilen küchlük iqtisadiy munasiwetlerni kéngeytishni xalaydighanliqlirini eskertip, yighingha istratégiyelik hemkarliq üchün «musape téshi» dep baha berdi.
béyjing hökümiti «bir xitay» pirinsipini tekitlep, xelqaraliq jemiyette özining xitaygha wekillik qilidighanliqini ilgiri sürüp kelmekte. shundaqla teywenning dunyadiki döletler bilen musteqil diplomatik munasiwet ornitishigha, b d t da we bashqa xelqaraliq teshkilatlardin orun élishigha qarshi chiqip kelmekte.
