awstriyede térrorluq hujumi yüz berdi
awstriyening paytexti wiyénnada bir ibadetxana etrapida meydangha kelgen térrorluq hujumida ikki kishi jénidin ayrildi.
türkiye awazi radiyosi xewiri: awstriye ichki ishlar ministirliqi bayanatchisi harald sörös, awstriye xewer agéntliqi (APA) gha bergen bayanatida, kmiliki nemelum qoralliqlar bilen saqchilar otturisida yüz bergen toqunushta, bir puqraning hayatidin ayrilghanliqini, zorawanlardin birining öltürülgenlikini uqturdi.
wiyénna sehiye orginining bayanatchisi kiristof miéraw, toqunushta 15 kishining yarilanghanliqini, bulardin 7 sining ehwalining éghir ikenlikini bildürdi.
ichki ishlar ministiri karl néhammér, muxbirlarni kütüwélish yighinida, awstriyening tarixidiki musheqqetlik künlerdin birini bashtin kechürüwatqanliqini tekitlep mundaq dédi: «biz hazir ochuq – ashkara halda térorluq hujumigha uchriduq. tolimu epsuski, köp sanda yaridarlirimiz we qaza qilghan kishilirimiz bar. alahide qisimlirimizning pidakarliq bilen küresh qilishi netijiside, bir zorawan bir terep qilindi. eng yéngi uchurlargha qarighanda, bir zorawan qéchip ketken.»
puqralarning zörür bolmighan ehwal astida öyliridin sirtqa chiqmasliqi toghruluq agahlandurushini tekrarlighan néhammér, hujum yüz bergen sheherning sayahet rayoni birinchi wiyénnadin yiraq turushqa, hemde balilarni mektepke ewetmeslikke chaqirdi.
awstriye bash ministiri sébastiyan kurz, ammiwi ortaqlishish tor bétidiki sehipiside bu heqte élan qilghan bayanatida, mundaq dédi: «saqchilirimiz bu qebih térorluq hujumini sadir qilghuchilargha qarshi keskin küresh qiliwatidu.»
u, xelqara jemiyetning hemkarliq signallirigha rehmet éytti we hayatidin ayrilghanlarning yéqin – yoruqlirigha teziye bildürdi, yarilanghanlargha shipaliq tilidi.
yene bir tereptin, awstriye yehudiylar jemiyitining reisi oskar déus, ammiwi ortaqlishish tor bétidiki sehipiside bu heqte élan qilghan bayanatida, hujum yüz bergen rayondiki ibadetxanining taqalghanliqini, emma bu ibadetxanining hujum nishani qilinip qilinmighanliqining téxiche éniq emeslikini bildürdi.