amérikada wirus bilen yuqumlanghanlar 9 yérim milyongha yéqinlashti

türkiye awazi radiyosi xewiri: dunyada wabaning merkizige aylanghan amérikada, wuxen wirusi sewebidin jénidin ayrilghanlar 236 ming 501 ge, yuqumlanghanlar sani 9 milyon 475 ming 788 ge chiqti.

italiyede yéqinqi 24 saette wuxen wirusi sewebidin 208 kishi jénidin ayrildi we jemiy san 38 ming 826 ge chiqti. oxshash waqitta, 29 ming 907 kishi yuqumlandi we jemiy yuqumlanghanlar sani 709 ming 335 ke chiqti.

italiye taratquliridiki xewerlerde, wuxen wirusigha munasiwetlik weqelerning éshishi sewebidin qoshumche tedbirlerni yolgha qoyushqa teyyarliniwatqanliqi bildürüldi. milano (Milano) we napoli (Napoli) qatarliq sheherlerning «qizil rayon» élan qilinishi, zörür bolmighan ehwalda rayonlar arisida bérish-kélishlerni toxtitishqa oxshash tedbirlerning yolgha qoyulush mumkinlikidin signal bermekte.

firansiyede yéqinqi 24 saette wuxen wirusi sewebidin 231 kishi jénidin ayrildi. buning bilen, wuxen wirusi sewebidin jénidin ayrilghanlarning jemiy sani 37 ming 19 gha chiqqan boldi. oxshash waqitta, 46 ming 190 kishi yuqumlandi we jemiy san 1 milyon 413 ming 915 ke chiqti.

asiya qiteside wuxen wirusining eng éghir tesirige uchrighan hindistanda, yéqinqi 24 saette 496 kishi wirus sewebidin jénidin ayrildi. buning bilen, wuxen wirusi sewebidin jénidin ayrilghanlarning jemiy sani 122 ming 642 ge chiqqan boldi. oxshash waqitta, 45 ming 231 kishi yuqumlandi we jemiy yuqumlanghanlar sani 8 milyon 229 ming 322 ge chiqqan boldi.

hindistan dunyada wuxen wirusigha munasiwetlik eng köp ölüm weqesi körülgen üchinchi dölet, eng köp kishi yuqumlanghan ikkinchi dölet bolup qaldi.

bügüngiche wuxen wirusi sewebidin 35 ming 298 kishi jénidin ayrilghan iranda, hökümet wirusqa munasiwetlik weqelerning köpiysh endishesi bilen, charshenbe (2020-yili 4-noyabir) din bashlap 25 ishtat merkizi we 89 nahiyede zörür bolmighan jaylarni 10 künlük taqashni qarar qildi.

rusiyede yéqinqi 24 saette wuxen wirusi sewebidin 238 kishining jénidin ayrilishi bilen, jemiy qénidin ayrilghanlar sani 28 ming 473 ke chiqti. oxshash waqitta 18 ming 257 kishi yuqumlinip, jemiy yuqumlanghanlar sani 1 milyon 655 ming 38 ge chiqti.

jenubiy afriqada wuxen wirusi sewebidin jénidin ayrilghanlar sani 19 ming 411 ge, yuqumlanghanlar sani 726 ming 823 ke chiqti.

xitayda yéqinqi 24 saette wuxen wirusigha munasiwetlik ölüm weqesi körülmidi. 24 yéngi yuqum weqesi körüldi. buning bilen, jemiy yuqumlanghanlar sani 86 ming 21 ge chiqqan boldi.

jenubiy koréyede yéqinqi 24 saette wuxen wirusi sewebidin ikki kishi jénidin ayrildi we jemiy san 468 ge chiqti. oxshash waqitta, 97 kishining yuqumlanghanliqi bildürüldi. buning bilen, jemiy yuqumlanghanlar sani yéqinqi besh kündin buyan 100 ning töpide körülüwatqan yuqum sani, bügün qaytidin ikki xaniliq sangha chüshken boldi.

jenubiy koréyede bügüneiche jemiy 26 ming 732 kishi yuqumlandi.