marakesh firansiyening islam düshmenlikige naraziliq bildürdi

türkiye awazi radiyosi xewiri: marakesh tashqi ishlar ministirliqining bayanatida, «hezreti muhemmed eleyhissalamni haqaretleydighan hejwiy resimlerning neshir qilinishidiki tersaliq, buni sadir qilghuchilarning piship yétilmigenler ikenlikini körsitip béridu» déyildi.

islamgha we hezreti muhemmed eleyhissalamgha  haqaret qilidighan hejwiy resimlerning neshir qilinishi küchlük eyiblengen bayanatta, kishilik erkinlikning bashqilarning erkinliki we étiqadi bashlanghan yerde axirlishidighanliqi bildürüldi.

bayanatta yene, 2 milyardtin artuq kishining dini bolghan islamni haqaretlesh we qutratquluq qilishning her qandaq seweb bilen pikir erkinliki hésablanmaydighanliqi tekitlendi.

bu jeryanda, marakeshliklerning jüme küni «firansiye mehsulatlirini bayqut qilish» témisi bilen qozghighan seperwerliki ijtimaiy taratqulardimu zor qiziqish qozghashni dawamlashturmaqta.

mutepekkur, akadémik alim we ziyaliylarnimu öz ichige alghan minglighan kishi, ijtimaiy taratqularda bayqut qilishni qollap - quwwetlimekte.