amérikada pirézidéntliq saylimi üchün 56 milyondin artuq kishi muddettin burun bélet tashlap boldi

türkiye awazi radiyosi xewiri: amérikadiki pirézidéntliq saylimida muddettin ilgiri bélet tashlash uchurlirini toplaydighan intirnét tori «amérika saylam layihesi» ning xewirige asaslanghanda, pochta we sanduq arqiliq 56 milyon 567 mingdin artuq kishi bélet tashlap bolghan.

pochta arqiliq tashlanghan bélet sani 38 milyondin éship ketken, texminen 17 milyon kishi saylam merkezliride béletlirini bir- birlep tashlashni tallighan.

niyu york ishtatida muddettin ilgiri bélet tashlash bügün bashlighan bolup, nurghun bélet tashlash ponkiti aldida uzun öchret shekillengen.

hepte axiri bolushningmu tesiride, niyu yorkning sheher merkizide etigende bashlanghan zichliq kéyinki saetlergiche dawamlashqanliqi bildürüldi.

filorida unwérsititining saylam mutexessisi we «amérika saylam layihesi» torining bashqurghuchisi proféssor maykél makdonald aldinqi bayanatida, kowid-19 yuqumi sewebidin nurghun ishtatlarda pochta arqiliq yaki sanduqta muddettin ilgiri bélet tashlashqa ruxset qilinghanliqining bélet tashlash nisbitining éshishigha seweb bolidighanliqini bildürgen idi.

makdonald muddettin burun bélet tashlash nisbitige asasen, saylamda 150 milyon bélet tashlinishi mumkinlikige dair texminini ortaqlashqan we buning memlikettiki saylighuchilarning %65 ge toghra kélidighanliqini hemde bélet tashlash nisbitining 1908 - yildin boyanqi eng yuqiri sewiyege chiqishi mölcherliniwatqanliqini tekitligen idi.