xol lagérida tutup turiliwatqan daésh ezaliri qoyup bérilmekte

türkiye awazi radiyosi xewiri: anadolu agéntliqi (AA) ning yerlik menbelerdin érishken uchurlirigha asaslanghanda, térorluq teshkilati rayonda turushluq ereb qebililirining kipil bolush sherti bilen xol lagéridin 70 ailidin teshkil tapqan we sani 290 ge yéqin tutqunni qoyup bergen.

qoyup bérilgenler arisida nurghun sanda daésh ezasi we aile-tawabiatlirining barliqi bildürülmekte.

bölgünchi térorluq teshkilati y p g/ p k k aldinqi heptimu térorluq teshkilati daéshning hemkarlashquchisi ikenliki éniqlanghan 631 kishini tutup turiliwatqan jaydin tarqaqlashturghanliqini élan qilghan idi.

tarqaqlashturushni dawamlashturuwatqan térorluq teshkilati ilgirimu mushuninggha oxshash ishlarni qilip, daésh ezalirinimu öz ichige alghan nechche yüz kishini qoyup bergen idi.

bölgünchi térorluq teshkilati y p g/ p k k 2017 - yili aprélda qurulghan xol lagérida, térrorluq teshkilati daésh ezaliri bilen toqunushtin qachqan puqralardin bashqa yene, özi teslim bolghan daésh ezaliri we aililirini tutup turmaqta idi.

lagérda bu teshkilat teripidin tutup turuliwatqan puqralarning  insaniyetke xilap sharait astida yashawatqanliqi xewer qilinghan idi.

lagérdiki asasliq mesililer؛ taziliqtin mehrum,  hajetxana, muncha öyliri, yirtiq chédirlar, waqti ötüp ketken yémeklikler, sozulma xaraktérlik késeller, dora bilen teminliyelmeslik we bimarlarning halidin xewer almasliq qatarliqlar ikenliki uqturulghan idi.

birleshken döletler teshkilatining sanliq melumatigha asaslanghanda, 10 ming kishilik xol lagérida 7-8 hesse artuq kishi tutup turiliwatqan bolup, bularning köpinchisi ayallar we balilardin terkib tapidiken.

xol lagérida texminen 50 dölettin kelgen bir qanche ming chetellik we nurghun sanda suriye we iraqliq térorchilarning barliqi melum.