dunyada 38 milyondin artuq kishi yuqumlandi

türkiye awazi radiyosi xewiri:amérikada wuxen wirusi sewebidin jénidin ayrilghanlarning sani 220 ming 989 gha, yuqumlanghanlar sani 8 milyon 96 ming 486 ge chiqti.

wabaning yawropadiki merkizige aylanghan engliyede yéqinqi 24 saette wuxen wirusi sewebidin jénidin ayrilghanlar sani 143 kishi éship 43 ming 18 ge, yuqumlanghanlar sani künlük reqemde rékort buzup 17 ming 234 kishi ashti we jemiy san 634 ming 920 ge chiqti.

firansiyede yéqinqi 24 saette wuxen wirusi sewebidin 108 kishi jénidin ayrildi we jemiy san 32 ming 933 ke chiqti. oxshash waqitta, yuqumlanghanlar sani 12 ming 993 kishi éship 756 ming 472 ge chiqti.

paytext parizhda 2021-yili 27-féwraldin 7-martqiche ötküzülüshi pilan qilinghan dölettiki eng chong «yéza igiliki we charwichiliq yermenkisi» ning wuxen wirusi sewebidin emeldin qaldurulghanliqi bildürüldi.

wuxen wirusi sewebidin 9 ming 677 kishi jénidin ayrilghan gérmaniyede, yéqinqi 24 saette 5 ming 132 kishide wirus bayqaldi. bu reqem 2020-yili aprél éyidin buyanqi eng yuqiri yuqumlinish sani bolup qaldi. dölet miqyasida yuqumlanghanlar sani 334 ming 585 ke chiqti.

asiya qiteside wuxen wirusining eng éghir tesirige uchrighan hindistanda, yéqinqi 24 saette 730 kishi wirus sewebidin jénidin ayrildi. buning bilen, wuxen wirusi sewebidin jénidin ayrilghanlarning jemiy sani 110 ming 686 ge, yuqumlanghanlar sani bolsa 63 ming 509 kishi éship 7 milyon 244 ming 24 ke chiqti.

rusiyede wuxen wirusi sewebidin jénidin ayrilghanlar 23 ming 205 ke, yuqumlanghanlar sani 1 milyon 340 ming 409 gha chiqti.

rusiye pirézidénti wladimir putin wuxen wirusigha qarshi yasalghan ikkinchi waksinaning royxetke élinghanliqini bildürüp: «nowosibirsk (Novosibirsk) tiki wéktor tetqiqat merkizi bügün wuxen wirusigha qarshi yasighan ‹épiwak korona› (EpiVakKorona) namliq waksinani royxetke aldurdi» dédi.

yene bir tereptin, wuxen wirusi sewebidin emeldin qaldurulghan sérbiye, yaponiye we kuba ayropilan seperliri özara qaytidin bashlinidu. rusiyedin bélarusiye, shiwéytsariye, ereb birleshme xelipiliki we maldéwélargha bolghan ayropilan seperliri özara köpeytildi.

wuxen wirusi sewebidin 478 kishi jénidin ayrilghan, 32 ming 556 kishi yuqumlanghan tunista, 18 parlamént ezasining yuqumlanghanliqi bildürüldi. buningdin bashqa, parlaméntta xizmet qilidighan 25 kishining ichidiki 14 kishining salametliki yaxshilinip doxturxanidin chiqqanliqi, 11 kishining bolsa hazirmu karantin astida ikenliki eskertildi.

iyordaniyede 18 kishining wuxen wirusi sewebidin jénidin ayrilishi bilen, jemiy san 225 ke chiqti. yéqinqi bir künde 2 ming 54 kishi yuqumlandi. bu rékort sewiye bolup qaldi.

wuxen wirusi sewebidin 72 kishi jénidin ayrilghan we 10 mingdin artuq kishi yuqumlanghan mozambikta, sehiye ministiri armindo tiyago (Armindo Tiago) ning wuxen wirusi bilen yuqumlanghanliqi bildürüldi.

iraqta wuxen wirusi sewebidin jénidin ayrilghanlar 9 ming 970 ke, yuqumlanghanlar sani 409 ming 358 ge chiqti.

afriqa qiteside wuxen wirusi sewebidin jénidin ayrilghanlar 38 ming 633 ke, yuqumlanghanlar sani 1 milyon 601 ming 181 ge chiqti.

afriqa qitesidiki döletler ichide wuxen wirusi sewebidin 18 ming 28 kishi jénidin ayrilghan jenubiy afriqa birinchi orunda, 6 ming 71 kishi jénidin ayrilghan misir ikkinchi orunda, 2 ming 685 kishi jénidin ayrilghan marakesh üchinchi orunda turdi.

bu döletlerdiki wuxen wirusigha munasiwetlik yuqum sani töwendikiche:

jenubiy afriqa 694 ming 537, marakesh 156 ming 946 we misir 104 ming 787.

bezi döletlerdiki wuxen wirusigha munasiwetlik ölüm sanliri töwendikiche:

biraziliye 151 ming 63, méksika 84 ming 420, italiye 36 ming 246, péru 33 ming 419, kolombiye 28 ming 141, argéntina 24 ming 572, chili 13 ming 396, ékwador 12 ming 235 we bélgiye 10 ming 244.