qatar emiri amérika palata ezaliri ömiki bilen körüshti
qatar emiri sheyx tamim bin hemed el sani amérika palata ezaliri wekiller ömiki bilen ikki dölet otturisidiki istratégiyelik munasiwetlerni muzakirileshti.
1507231
türkiye awazi radiyosi xewiri: qatar xewer agéntliqi «QNA» ning xeweride, sheyx témimning paytext dohada amérika palata ezaliri jim himés, érik swalwél, sét multon we patrik murfi bilen körüshkenliki bildürüldi.
uchrishishta ikki dölet otturisidiki istratégiyelik munasiwetler shundaqla rayon we xelqaraliq mesililerning muzakire qilinghanliqi uqturuldi.
xewerde amérika wekiller ömikining qatargha qachan kelgenliki yaki ziyaretlirining qanchanghiche dawamlishidighanliqi toghrisida héchqandaq melumat bérilmidi.
amérika wekiller ömiki tünügün qatar tashqi ishlar ministiri muhemmed bin abduraxman el sani bilenmu körüshken idi.
qatar bilen amérika otturisidiki 3 – nöwetlik istratégiyelik dialog yighini 14- séntebirde amérikida ötküzülgen idi.
