yaponiye - mongghuliye otturisidiki istratégiyelik shériklik téximu tereqqiy qilidu
yaponiye tashqi ishlar ministiri motégi toshimisu yaponiyening mongghuliye bilen bolghan ikki terep istratégiyelik shériklik munasiwitini téximu ilgiri sürüshni xalaydighanliqini bildürdi.
türkiye awazi radiyosi xewiri: yaponiye tashqi ishlar ministirliqining bayanatida, ministir motégi toshimisuning mongghuliyediki resmiy ziyariti jeryanida mensepdishi nyamtrsérén enxitawan bilen körüshkenliki bildürüldi.
uchrishishta, mongghuliye iqtisadining qaytidin güllinishi üchün yaponiyening 236 milyon dollar qerz bilen teminlishi qarar qilindi.
ministir motégi toshimisu uchrishishtin kéyin ötküzülgen muxbirlarni kütüwélish yighinidiki sözide, mongghuliyening kishilik hoquq, erkinlik, qanunning üstünliki we démokratiye qatarliq uniwérsal qimmet qarashlarni qollawatqanliqini we yaponiye bilen mongghuliye otturisidiki munasiwetlerning muhimliqini tekitlep, «biz özara istratégiyelik hemkarliqni téximu ilgiri sürüshni xalaymiz» dédi.
kyodo agéntliqining xewirige asaslanghanda, motégi toshimisu mongghuliye prézidénti xaltma battulga we mongghuliye bash ministiri uxna xurélsux bilenmu ayrim ayrim uchrishish ötküzgen.
mongghuliye prézidénti xaltma battulga bilen motégi toshimisu otturisidiki uchrishishta, mongghuliye tömür yol ul eslihelirining tereqqiy qildürülishi we yer asti kanlirini qézish jehette tokyo-ulanbator hemkarliqining kücheytilishi muzakire qilinghan.
xitay bilen rusiye otturisida déngiz qirghiqi bolmighan we xitay bilen intayin uzun quruqluq chégrasi bolghan mongghuliye, hem yer asti bayliqi bilen, hem 1990 - yili sowét ittipaqi yimirilgendin kéyin, ishqa ashurghan bazar igiliki sistémisi bilen istratégiyelik nuqtidin hemmining diqqitini tartip kelmekte.
