nato bash katipi türkiyege kélidu
shimaliy atlantik ehdi teshkilati bash katipi stolténbérg düshenbe küni türkiyede dölet ishliri ziyaritide bolidu.
türkiye awazi radiyosi xewiri: shimaliy atlantik ehdi teshkilati teripidin bu heqte élan qilinghan bayanatta eskertilishiche, stolténbérg kéler hepte türkiye we girétsiyede ziyarette bolidiken. aldi bilen, düshenbe küni paytext enqerediki uchrishishliri dairiside, tashqi ishlar ministiri mewlüt chawushoghlu we bashqa aliy derijilik rehberler bilen bir yerge jem bolidiken.
stolténbérg, türkiyediki uchrishishlirini axirlashturghandin kéyin, seyshenbe küni atinagha yétip bérip, girétsiye bash ministiri kiryakos michotakis, diplomatiye ministiri nikos déndias we dölet mudapie ministiri nikos panagiotopolos qatarliqlar bilen körüshidiken.
shimaliy atlantik ehdi teshkilati, tünügün, türkiye bilen girétsiye otturisida yéqindin buyan dawamlishiwatqan muzakirilerdin kéyin, sherqiy aqdéngiz mesiliside ixtilapni tehlil qilish métodlirigha munasiwetlik mixanizim ornitilghanliqini uqturghanidi.
