pirézidént tramp we repiqisi yuqumlandi

türkiye awazi radiyosi xewiri: amérika pirézidénti donald tramp özi bilen ayali mélina trampning wuxen wirusi tekshürüshining musbet chiqqanliqini élan qildi.

pirézidént tramp wuxen wirusi bilen yuqumlanghanliqlirini twittérda élan qilghan bayanati bilen bildürdi.

u: «bu kéche birinchi xanim bilen méning wuxen wirusi tekshürüsh netijimiz musbet chiqti. özimizni karantin qilishni we salametlikimizni asirashni derhal bashlaymiz. buni birlikte yingimiz» dédi.

aqsaray yazma bayanat élan qilip, pirézidént trampning doxturi sén konléyning resmiy bayanatini ortaqlashti.

bayanatta, pirézidént tramp bilen repiqisi mélina trampning salametlik tekshürüshide, wuxen wirusi bilen yuqumlanghanliqi netijisining chiqqanliqi bildürüldi we: «hazir hem pirézidént hemde birinchi xanimning ehwali yaxshi. yaxshilinish basquchida, her ikkisi aqsaraydiki öyide turidu» déyildi.

pirézidént tramp meslihetchiliridin xop xiks (Hope Hicks) ning wuxen wirusi bilen yuqumlanghanliqi otturigha chiqqandin kéyin, özi bilen repiqisining karantin qilishni bashlaydighanliqlirini uqturghan idi.

pirézidént trampning yéqin meslihetchiliridin xop xiks yéqinqi künlerde saylam paaliyetliride tramp bilen bille idi.