yawropa ittipaqi rehberliri yighini bügün bashlinidu
yawropa ittipaqi döletlirining rehberliri sherqiy aqdéngiz weziyiti, türkiye bilen bolghan munasiwetler we bélarusiye mesilisi qatarliq her xil küntertip maddilirini muzakire qilish üchün bélgiye paytexti biryussélda uchrishidu.
1500733
türkiye awazi radiyosi xewiri: yawropa ittipaqi kéngishining bügünki we etiki yighinida, asasliqi tashqi munasiwetler talash-tartish qilinidu.
küntertipning asasiy maddisini teshkil qilidighan sherqiy aqdéngiz we türkiye bilen bolghan munasiwetlerdin bashqa, xitay, bélarusiye we rusiyelik öktichi alékséy nawalniy (Aleksey Navalnıy) ning zeherlinishi bilen taghliq qarabagh mesilisimu yawropa ittipaqi rehberliri muzakire qilidighan mesililer qataridin orun alidu.
yighinda yene, wuxen wirusi (Kovid-19) din kéyinki iqtisad, yalghuz bazarni kücheytish, téximu ilghar sanaet siyasitini tereqqiy qildurush we dijitallishish süritini tézleshtürüsh mesililirimu küntertipke qoyulidu.
