misir soti 6 öktichining ölüm jazasini yene bir qétim tekitlidi
misirdiki bir yuqiri sot mehkimisi, 2013 - 2015 - yillirida 3 ademni öltürüsh jinayiti bilen eyiblinip sotliniwatqan 6 öktichi jawabkarning ölüm jazasini maqullidi.
türkiye awazi radiyosi xewiri: misir resmiy xewer agéntliqi - ménaning xewirige qarighanda, misir yuqiri soti, xelq ichide «qirdase xelq qarshiliq körsitish komitéti» dep atilidighan mezkur délodiki 6 jawabkarning ölüm jazasigha qarshi erzni ret qilip, ölüm jazasi hökümini saqlap qalghan.
xewerge qarighanda, sot mehkimisi mezkur délo dairiside sotliniwatqan 7 jawabkarning muddetsiz qamaq jazasi (25 yil) ni 10 yilgha qisqartishni qarar qilghan.
misir qanunigha asasen, bu shekildiki <hel qilghuch > qararlargha qarshi naraziliq erzi sunghili bolmaydu.
qahire jinayi ishlar sot mehkimisi, 2019 - yili 8 - aydiki ispat anglash yighinida, 6 öktichi jawabkarni 2013 - 2015 - yillirida 3 ademni öltürüsh we qoralliq shayka qurush jinayiti bilen eyiblep ölüm jazasigha höküm qilghanidi.
