bélarusiyede namayishlar dawamlashmaqta
bélarusiyede pirézidéntliq saylimining netijisige naraziliq bildürülüp ötküzülüwatqan namayishlar dawamlashmaqta.
türkiye awazi radiyosi xewiri: twittérda, paytext minskta pirézidéntliq sariyi bilen aliy sotni qorshawgha élish we memliket miqyasida namayish qilish chaqiriqi élan qilindi.
bélarusiye paytexti minskta (20-séntebir) bixeterlik tarmaqliri pirézidéntliq sariyi jaylashqan rayon we sheher merkizide ötküzülgen ruxsetsiz namayishlar sewebidin qattiq tedbirler élindi. sheherdiki stélla meydanigha qarap yürümekchi bolghan bezi namayishchilar tutuldi.
ötkenki heptilerge sélishturghanda az kishi qatnashqan namayishlarda, twittérda chaqiriq élan qilinghan bolsimu, namayishchilar pirézidéntliq sariyigha qarap yürümidi.
namayishchilar sheher merkizidiki bezi kochilarda bélarusiye 1995-yilidin burun ishlatken qizil-aq-qizil bayraqni kötürüp, shoar towlidi, arqidin özlikidin tarqaldi.
bélarusiyede 2020-yili 9-séntebir ötküzülgen saylamda, hazirqi pirézidént lukashénkoning ghelibe qilghanliqining élan qilinishi bilen, saylamlarda saxtipezlik qilinghanliqi ilgiri sürülüp, namayishlar partlighan idi.
