amérika prézidénti donald trampqa «zeherlik mektup» ewetilgenliki ilgiri sürüldi
amérika metbuatlirining xewerliride, posulkaning aldinqi hepte aqsaraygha ewetilgenliki we tapshuruwalghuchi süpitide tirampning ismi yézilghanliqi bildürüldi.
türkiye awazi radiyosi xewiri: fédératsiye tekshürüsh idarisi (FBI) we prézidéntni qoghdashqa mesul mexpiy mulazimet orginining mektüpni tekshürüshni bashlighanliqi we ikki xil sinaq netijiside, risin maddisining barliqi jezmleshtürülgenliki bildürüldi.
yene bir tereptin, bu mektupning washingtondiki pochtixanida kontrol qilish jeryanida bayqalghanliqi we aqsaraygha barmighanliqi uqturuldi.
fédératsiye tekshürüsh idarisi (FBI) amérika taratqulirigha mesile heqqide yazma bayanat élan qilip, «biz prézidéntni qoghdashqa mesul mexpiy mulazimet orgini we amérika pochtixanisining ishtirak qilishi bilen qolgha chüshürülgen xet üstide birleshme tekshürüsh élip bériwatimiz, hazir jamaet xewipsizlikige tehdit yetküzidighan bir ehwal yoq» dédi.
chang-tozan, is-tütek yaki kislata sheklide ewetilishke bolidighan risin maddisi köngül élishish, qusush we ashqazan bilen ücheyde ichki qanashni keltürüp chiqirish, jiger, tal we börekni ajizlashturush hemde qan aylinish sistémisini weyran qilip, ölümni keltürüp chiqiriish iqtidarigha ige.
