abé yasukuni ibadetxanisini ziyaret qildi
yaponiyening sabiq bash weziri shinzo abé, bash wezirliktin istépa bergenlikini doklat qilish üchün talash - tartishliq yasukuni butxanisini ziyaret qilghanliqini bildürdi.
türkiye awazi radiyosi xewiri: sabiq bash wezir shinzo abé ijtimaiy alaqe tori tiwittérdiki adrésida ziyariti toghrisida uchur hembehrilep, özining detalashliq yasukuni butxanisigha bérip, «urushta qaza qilghanlarning rohi»gha xizmitidin ayrilghanliqi toghrisida doklat bergenlikini uqturdi.
u uchurida, «men bügün yasukuni butxanisini ziyaret qildim we urushta qaza qilghanlarning rohigha 16 - séntebirde bash wezirliktin istépa bergenlikimni uqturdum» dégen ibarilerge orun berdi.
ikkinchi qétim wezipe tapshuruwalghan 2012 – yilidin bir yil kéyin bash wezir süpitide yasukuni butxanisigha barghan abé, hem rayondiki döletlerning küchlük naraziliqini qozghighan hem ittipaqdishi amérika qoshma ishtatlirini ümidsizlendürgenidi.
uningdin kéyinki musapide shinzo abé dölitining jenubiy koréye we xitay bilen bolghan munasiwetlirige ziyan yetküzmeslikni közde tutup, butxanini biwaiste ziyaret qilishtin saqlanghanidi.
shinzo abi etiyaz we küz aylirining bashlirida ibadetxanigha her xil sowghatlarni yollaydu؛ ikkinchi dunya urushining axirlishish xatire küni, her yili 8 - ayning 15 - künide maddiy jehettin yardem qilidu.
ikkinchi dunya urushida qaza qilghan 2 milyon 500 ming kishini eslep, ulardin iptixarlinip kéliwatqan ibadetxanining salahiyitining, 14 urush jinayetchisini muqeddes kishiler dep hésablighanliqi tüpeyli detalashliq halitini saqlap kéliwatqanliqi bildürülmekte.
