dunyada yuqumlanghanlar sani 30 milyondin ashti
dunya miqyasida wuxen wirusi (Kovid-19) sewebidin jénidin ayrilghanlarning sani 950 ming 628 din, yuqumlanghanlar sani 30 milyon 356 mingdin we salametliki yaxshilanghanlarning sani 22 milyon 46 mingdin ashti.
türkiye awazi radiyosi xewiri: dunyada wabaning merkizige aylanghan amérikada wuxen wirusi (Kovid-19) sewebidin jénidin ayrilghanlar sani 202 ming 213 ke, yuqumlanghanlar sani 6 milyon 874 minggha chiqti.
niyu york shehiride mekteplerning oqush bashlishi yéterlik derijide teyyarliq qilinmighanliqi sewebidin ikkinchi qétim kéchiktürüldi. niyu york sheher bashliqi bil dé blasiyo (Bill deBlasio) düshenbe (2020-yili 21-séntebir) oqush bashlishi pilan qilinghan mekteplerning kéchiktürülgenlikini, 29-séntebir bashlanghuch mektep balilirining, toluqsiz we toluq ottura mektep oqughuchilirining bolsa 1-öktebirde ders bashlaydighanliqini uqturdi.
biraziliyede yéqinqi 24 saette 829 kishining jénidin ayrilishi bilen, wuxen wirusi sewebidin jemiy jénidin ayrilghanlar sani 135 ming 31 ge, yuqumlanghanlar sani bolsa 36 ming 303 kishi köpiyip, 4 milyon 457 minggha chiqti.
méksika sehiye ministirliqi yéqinqi 24 saette 201 kishining wuxen wirusi sewebidin jénidin ayrilghanliqini we jemiy sanning 72 ming 179 gha chiqqanliqini؛ oxshash waqitta, 3 ming 182 kishining yuqumlinishi bilen 684 ming 113 ke chiqqanliqini élan qildi.
ispaniyede yéqinqi bir heptide 419 kishi wuxen wirusi sewebidin jénidin ayrildi we jemiy san 30 ming 405 ke chiqti.
ispaniye sehiye ministirliqi yéqinqi 24 saette 11 ming 291 kishining yuqumlanghanliqini we jemiy sanning 625 ming 651 ge chiqqanliqini élan qildi.
yuqumlinish sanidiki éshishning paytext madridta köchmenler köp olturaqlashqan jenubiy mehellilerde körülüwatqanliqi qeyt qilindi.
portugaliye sehiye ministirliqi yéqinqi 24 saette wuxen wirusi sewebidin 10 kishining jénidin ayrilghanliqini we 770 kishining yuqumlanghanliqini élan qildi. buning bilen, jemiy jénidin ayrilghanlar sani 1 ming 888 ge, jemiy yuqumlanghanlar sani 66 ming 396 ge chiqti.
hindistanda yéqiqi 24 saette 1 ming 174 kishining jénidin ayrilishi bilen, wuxen wirusi sewebidin jemiy jénidin ayrilghanlar sani 84 ming 404 ke chiqti. oxshash waqitta, 96 ming 424 kishi yuqumlandi we jemiy san 5 milyon 214 minggha chiqti.
wuxen wirusi sewebidin 4 ming 634 kishi jénidin ayrilghan xitayda, déngiz mehsulatlirida wuxen wirusi bayqalghan hindonéziye shirketliridin mehsulat importini toxtatti.
marakesh sehiye ministirliqi yéqinqi 24 saette 28 kishining wuxen wirusi sewebidin jénidin ayrilghanliqini we 2 ming 488 kishining yuqumlanghanliqini élan qildi. buning bilen, bu dölette wuxen wirusi sewebidin jemiy jénidin ayrilghanlar 1 ming 714 ke, jemiy yuqumlanghanlar sani 94 ming 504 ke chiqqan boldi.
marakesh énérgiye, kan bayliqliri we muhit ministiri eziz errabbahning wuxen wirusi bilen yuqumlanghanliqi bildürüldi.
afriqa qiteside yéqinqi 24 saette wuxen wirusi sewebidin 174 kishi jénidin ayrildi we jemiy san 33 ming 484 ke, yuqumlanghanlar sani 8 ming 610 köpiyip 1 milyon 389 minggha chiqti. qite boyiche 41 ming sehiye xadimi yuqumlandi.
afriqa qitesidiki döletler ichide bügüngiche jenubiy afriqa jumhuriyitide 15 ming 772 kishi, misirda 5 ming 715 kishi we aljiriyede 1 ming 714 kishi jénidin ayrildi.
