shiwétsiyelik ashqun siyasetchi quran kerimning köydürülüshige qarshi ikenlikini bildürdi

türkiye awazi radiyosi xewiri: köchmenlerge qarshi pikir we paaliyetliri bilen tonulghan shiwétsiyelik ashqun ongchil démokratlar partiyesining rehbiri jimmiy akésson, dölitidiki quran kerimni köydürüsh ighwagerchilikini peyda qilghan daniyelik ashqun ongchil «qattiq yönilish» partiyesi ezalirini tenqid qildi.

akésson, «Expressen» gézitining ziyaritini qobul qilghanda, paytext sitokholm we malmodiki quran kerimni köydürüsh qilmishi toghrisida toxtilip «bu heqiqetenmu zörüriyiti yoq bir qilmish idi» dédi.

quranning köydürülüshige hésdashliq qilalmaydighanliqini eskertken akésson, «shiwétsiyede bundaq heriketlerni qilish üchün namayish ötküzüsh hoquqi bar. bizning bu namayish hoquqini qoghdishimiz nahayiti muhim. men quranning köydürülüshige hésdashliq qilalmaymen. bu heqiqeten zörüriyiti yoq bir qilmish idi. emma men, buning malmoda qutuplishishni keltürüp chiqirip, qalaymiqanchiliq peyda qilishighimu qarshimen» dédi.

daniyedin shiwétsiyening malmo shehirige barghan «qattiq yönilish» partiyesi rehbiri rasmus paludanning qollighuchiliri, aldinqi ayda saqchilarning ruxset qilmighan bolushigha qarimay, quranni köydürgenidi. buninggha qarshi namayish ötküzgüchilermu yollarni tosuwélip, aptomobillarning kamérlirini köydürgenidi.

ötken hepte yene paludanning qollighuchiliri stokholimning musulmanlar topliship olturaqlashqan rinkébi rayonida quran kerimni yoshurun halda köydürüp, körünüshlirini ijtimaiy alaqe torida hembehirligenidi.

ikki yil boyiche shiwétsiyege kirishi cheklengen paludan, ikki hepte ilgiri shiwétsiyede quran kerimni köydürüsh paaliyetlirini dawamlashturush üchün puqraliq iltmasi sunghanidi.