rama türkiyening yawropagha nisbeten halqiliq ehmiyetke ige dölet ikenlikini otturigha qoydi
albaniye bash ministiri édi rama, türkiyening yawropaning bixeterlikidiki halqiliq ehmiyetke ige bir dölet ikenlikini éytti.
türkiye awazi radiyosi xewiri: édi rama, «iqtisadshunas» zhurnilining grétsiyening paytexti atinada grétsiye hökümiti bilen hemkarliship uyushturghan yighinda söz qildi.
rama, türkiye - grétsiyening munasiwetliri shundaqla gherbiy balqanning kelgüsi, wuxen wirusi (kowid – 19) gha qarshi küresh, albaniye – girétsiye munasiwetliri we rayonning yawropa qarishi qatarliq mesililer toghrisidiki qarashlirini yighin ishtirakchiliri bilen ortaqlashti.
u, türkiye – girétsiye munasiwetliri we bu munasiwetlerning yawropagha nisbeten oynaydighan roli toghrisida toxtilip, «men, türkiye - grétsiyening munasiwitide yawropa üchünmu paydiliq bolidighan munasiwet yoshurun küchi barliqigha ishinimen. chünki türkiye yawropaning bixeterlikidiki muhim dölet, girétsiye yawropaning chégraliri ichidiki halqiliq dölet. shek-shübhisizki, men türkiye jumhur reisi (rejep tayyip erdoghan) ni girétsiyege qarshi adem yaki siyasetchi emes déyeleymen. ötmüsh shübhisizki bizge irade bolsa, hel qilish charisiningmu tépilidighanliqini körsitip berdi. diyalog, diyalog, diyalog ... bashqilargha tashlap qoymastin, bashqilarni sörep kelmestin addiyla qilip dégende heqiqiy diyalog ötküzüsh... héch ish asan emes, emma berpachi türk- girék munasiwetlirining pütkül yawropa üchün qoshumche qimmetke aylinishi pütünley mumkin, men buninggha 100% ishinimen» dégenlerni qeyt qildi.
