firansiyede sériq jilitkiliklerning hökümetke qarshi namayishliri qaytidin janlandi
firansiyede sériq jilitkilikler aridin 4 ay ötkendin kéyin pütün memliket miqyasida yene namayishlirini bashlidi.
türkiye awazi radiyosi xewiri: paytext parizhdiki namayishta 256 kishi nazaretke élindi.
firansiyede ijtimaiy we siyasiy mesililerni keltürüp chiqiriwatqan sériq jilitkiliklerning paaliyetliri parizh kochilirini qaytidin heriketke saldi.
yüzligen namayishchi parizhdiki wagram meydanigha yighilip, pirézidént émmanuél makrongha we hökümetke qarshi shoarlarni towlidi, lozunkilarni achti.
meydanda we etraptiki kochilarda saqchilar bilen namayishchilar otturisida sürkilishler yüz berdi. saqchilar her xil maddilarni atqan namayishchilargha yash aqquzush bombisi bilen mudaxile qildi.
bir guruppa namayishchi bors meydanida namayish qildi.
parizh saqchi idarisining bayanatida, paytexttiki namayishta 256 kishining nazaretke élinghanliqi bildürüldi.
paytexttiki namayish sewebidin 30 gha yéqin métro békiti taqaldi.
strasburg, lion, bordoaks we tulus qatarliq sheherlerdimu namayish ötküzüldi.
