yaponiye: xitayning kéngeymichilik siyasetlirini endishe ichide közitiwatimiz
yaponiye tashqi ishlar weziri motégi tpshimitsu xitayning jenubiy xitay déngizi we sherqiy xitay déngizidiki kéngeymichilik siyasetlirini endishe ichide közitiwatqanliqlirini éytti.
türkiye awazi radiyosi xewiri: motégi, sherqiy jenubiy asiya elliri ittipaqining 53 – nöwetlik tashqi ishlar ministirliri derijilik téléwiziye - téléfon yighinida, bu heqte toxtalghanda mundaq dédi: «xitayning jenubiy xitay déngizi we sherqiy xitay déngizdiki mewjut haletni bir tereplimilik halda özgertishke qarita urunushliri izchil dawamlashmaqta. xitayning kéngeymichilik siyasetlirini endishe ichide közitiwtimiz. derweqe, xitayning bu siyasetliri rayondiki sürkilishni barghanséri ewj alduruwetmekte. xitay, rayonda sürkilishni peseytish chaqiriqigha qizghin awaz qoshup, heriket kodlirigha riaye qilishi, hemde üchinchi döletlerning heq – hoquqlirini depsende qilmasliqi we birleshken döletler teshkilatining déngiz qanuni ehdinamisige emel qilishi kérek.»
shimaliy koréye mesilisi toghruluq toxtalghanda, amérika – shimaliy koréye otturisidiki uchur – alaqining qoyuqlashturulushi we birleshken döletler teshkilati qararlirining toluq ijra qilnishi lazimliqini qeyt qilghan motégi, xongkongdiki özgirishlernimu endishe ichide közitiwatqanliqlirini, muqimliq we démokratiyening «bir dölet, ikki xil tüzüm» ramkisi astida ilgiri sürülüshining zörürlükini tekitlidi.
yaponiye dölet mudapie weziri kono taro, istiratégiyelik we xelqaraliq tetqiqatlar mekizide chaqirilghan téléwiziye - téléfon yighinida qilghan sözide, xelqara jemiyetni xitayning tinch okyan rayonidiki kéngeymichilik siyasitidin éhtiyat qilishqa chaqirip mundaq dédi: «men dölet mudapie weziri bolush süpitim bilen shuni éytishim kérekki, xitay yaponiye üchün bixeterlik tehditidur. chünki, xitayning iqtidarimu bar, melum pilanlirimu bar.»
amérika – yaponiye otturisidiki ittipaqdashliq munasiwiti toghriliqmu toxtalghan kono, tehditlerge qarshi dölitining pütkül zéminini qoghdashqa teyyar ikenlikini bayan qilip mundaq dédi: «eger biz undaq qilmisaq, biz yene bir jenubiy xitay déngizigha duch kélimiz. xitay bu jaylarda zémin telep qilghanda, xelqara jemiyet buninggha qarshi heriket qollanmidi. bundaq ehwal dunyaning herqandaq yéride yüz bérishi mumkin.»
