imran xan ayal mehbuslarni derhal qoyup bérish toghrisida buyruq chüshürdi
pakistan bash ministiri imran xan türmide tutup turuluwatqan we üstidin hökümname élan qilinghan 1184 ayalni qoyup bérishke buyrudi.
türkiye awazi radiyosi xewiri: xan tiwittér hésabida uchur hembehrilep, alaqidar emeldarlargha tutup turup sotliniwatqan we üstidin höküm élan qilinghan 1184 ayalning qoyup bérilishi toghrisida buyruq chüshürgenlikini uqturdi.
xan uchurida, wuxen wirusi (kowid – 19) gha taqabil turush xizmetliri dairiside yuqiri sotning 4 – ayda chiqarghan qararigha isharet qilghan halda, «men kishilik hoquq ministiri shirin mazari we adwokat eli zefer bilen körüshkendin kéyin , sotliniwatqan we üstidin hökümname élan qilinghan 1884 ayalni qoyup bérish toghrisidiki qararning derhal ijra qilinishini telep qildim» dédi.
mazari bolsa. xanning qararigha «kishilik hoquq we insanperwerlik nuqtisdin zor ilgirilesh» dep baha berdi.
4 - ayda , kowid - 19 wirusining tesiri éghirliship ketkendin kéyin , aliy sot mehkimisi üch yilliqtin az qamaq jazasigha höküm qilinghan we sotlinishi dawamlishiwatqanlarning qoyup bérilishini qarar qilghanidi.
pakistandiki 57742 adem sighimchanliqigha ige 14 türmide nöwette 77275 mehbus yatmaqta iken.
