naréndra modining xususiy tiwittér hésabi xakkérlar teripidin qolgha chüshürüldi
hindistan bash ministiri naréndra modining xususiy tiwittér hésabi xakkérlar teripidin qolgha chüshürüldi
türkiye awazi radiyosi xewiri: «BBC» ning xewer qilishiche, 2 milyon 500 ming egeshküchisi bolghan modining tiwittér hésabidin dölet yardem fondigha shifirliq pul iane qilish toghruluq bir qanche uchur hembehirlengen.
ehwal bayqalghandin kéyin, égiliniwélinghan tiwittér hésabidiki uchurlar qisqa waqit ichide öchürüwétilgen.
twittér teripidin élan qilinghan bayanatta bolsa, xususiy mexpiyetlikige dexli-teruz qilinghan hésabning bixeterliki üchün tedbir élinghanliqini we ehwalning tekshürüliwatqanliqini bildürüldi.
modining 61 milyondin artuq egeshküchisi bolghan yene bir tiwittér hésabi hujumning tesirige uchrimidi.
buningdin ilgiri amérika pirézidénti barak obama, amérika démokratchilirining pirézidént kandidati jo baydin, amazon torining aliy dériktori jéf bézos, mikrosoftning qurghuchisi bil geytis, téslaning bash ijraiye emeldari elon mask, milyardér sodiger maykél bilumbérg we rep naxshichisi kanyé wéstke oxshash shexslerning tiwittér hésabliri 15 - iyulda qolgha chüshürülgen idi.
qolgha chüshürülgen hésablardin shifirliq pul iane qilish chaqiriqi élan qilinghan idi.
