bel kenglikining mezi bézi raki bilen qoyuq alaqisi barliqi otturigha chiqti
bel kenglikining mezi bézi raki bilen ölüp kétish xewpini ashuruwétidighanliqi bildürüldi.
türkiye awazi radiyosi xewiri: engliye oksford uniwérsitétining bildürüshiche , tetqiqatchilar 10 yildin buyan rak késilige giriptar bolmighan 40 yashtin 69 yashqiche bolghan 218225 erning bedinidiki may nisbiti , bel aylanmisi we bel - kasa ölchimi qatarliqlargha dair sanliq melumatlarni közetken.
mezi bézi raki bilen ölüp kétish xewpi bilen bel kengliki otturisidiki baghlinishni mölcherlesh üchün, tekshürüshke qatnashquchilarning késellik tarixi , ijtimaiy - iqtisadiy orni we turmush usuligha munasiwetlik istatistikiliq analizlar qollinildi.
tetqiqatta bayqilishiche , mezi bézi raki bel qisimi chongraq erlerde téximu ejellik iken.
közitish mezgilide, 571 er mezi bézi raki bilen qaza qilghan bolsa , bel aylanmisi keng erlerning mezi bézi rakigha giriptar bolush xewpining bili tarlargha qarighanda % 35 yuqiri bolidighanliqi bayqalghan.
tetqiqatta, bedendiki merkiziy mayni ölchesh bilen mezi bézi raki bilen ölüp kétish xewpi otturisidiki baghlinish otturigha chiqqan.
engliye erliri arisida eng köp uchraydighan rak türlirining biri bolghan mezi bézi raki sewebidin her yili texminen 12000 er ölüp kétidiken, engliyediki her 6 erning biri bu késelge giriptar bolidiken.
