girétsiyening «F-16» tipliq urush ayropilanliri yiraqlashturuldi

türkiye awazi radiyosi xewiri: türkiye dölet mudapie ministirliqi teripidin bu heqte élan qilinghan bayanatta mundaq déyildi: «girit arilidin qozghilip, türkiye teripidin élan qilinghan yazma yol bashlash agahlandurush sistémisi rayonigha yéqinlashqan girétsiyege ait 6 dane ‹F-16› tipliq urush ayropilanini, türkiye hawa armiyesige ait ‹F-16› tipliq urush ayropilanliri, qibris arilining gherbiy jenubida tedbir qollinip, rayondin yiraqlashturdi. déngiz we hawa armiyelirimiz, sherqiy aqdéngizdimu heq – hoquqlirimiz we tüp menpeetlirimizni qoghdash mesiliside paaliyetlirini adaqqiche qetiy dawamlashturidu.»

ministirliq, intérnét tor bétide we Twitter sehipiside, türkiye hawa armiyesige ait «F-16» tipliq urush ayropilanlirining, girétsiye ayropilanlirigha tedbir qollinishi jeryanida süretke élinghan körünüshlerni hembehirlidi.