nigériyede boko haram qetliam yürgüzdi
nigériyening sherqiy shimalida térrorluq teshkilati boko haram bir kéchide 75 kishini öltürdi.
![nigériyede boko haram qetliam yürgüzdi](http://cdn.trt.net.tr/images/xlarge/rectangle/03ef/2fbf/625b/5ee0a510c795d.jpg?time=1718957548)
türkiye awazi radiyosi xewiri: yerlik taratqularning xewer qilishiche, nigériye parlaménti armiye ishliri komitétining bashliqi we jenubiy borno palata ezasi eli ndumé, térrorluq teshkilati boko haramning, borno ölkisige qarashliq gwoza rayonida bir kéchide 75 kishini öltürgenlikini, boko haramning hujumliri sewebidin gwoza xelqining xewp ichide ikenlikini tekitlep mundaq dégen: «palata ezasi bolush süpitim bilen, menmu gwozagha baralmaywatimen. chünki, xeterlik. hujumlar sewebidin her küni insanlar ölüp kétiwatidu. dölet xewpsizlik küchlirimiz amanliqni saqlash üchün imkaniyetning bariche tirishchanliq körsitiwatidu, lékin, weziyet intayin jiddiy. buningdin bashqa yene, rayon xelqi acharchiliqqa duch kelmekte. ammiwi teshkilatlar bolmighan teqdirde, ehwal téximu yamanliship kétishi mumkin.»